75 ఏళ్ల నాటి మిస్టరీని ఛేదించిన భారత శాస్త్రవేత్తలు! ఏంటో తెలుసా..?

హైదరాబాద్ న్యూస్‌టైమ్, న్యూఢిల్లీ - మే 24, 2026: భారత మహాసముద్రం (ఇండియన్ ఓషన్) గర్భంలో దాగి ఉన్న ఒక భారీ "గ్రావిటీ హోల్" (గురుత్వాకర్షణ లోపం) రహస్యాన్ని 75 ఏళ్ల తర్వాత శాస్త్రవేత్తలు ఎట్టకేలకు ఛేదించారు. అంతరిక్షం నుండి చూసేందుకు ఈ సముద్ర ఉపరితలం మామూలుగానే కనిపించినప్పటికీ.. దాదాపు 12 లక్షల చదరపు మైళ్ల విస్తీర్ణంలో ఇక్కడి నీటి మట్టం చుట్టుపక్కల ప్రాంతాల కంటే సుమారు 106 మీటర్లు లోతుకు పడిపోయి ఉండటానికి గల కారణాలను ఇండియన్ ఇన్‌స్టిట్యూట్ ఆఫ్ సైన్స్ (IISc) పరిశోధకురాలు ప్రొఫెసర్ అత్రేయీ ఘోష్ నేతృత్వంలోని బృందం కనుగొంది. 'జియోఫిజికల్ రీసెర్చ్ లెటర్స్' జర్నల్‌లో ప్రచురితమైన వివరాల ప్రకారం.. భూమి లోపల 300 నుండి 900 కిలోమీటర్ల లోతులో ఆఫ్రికా ప్రాంతం నుండి కొట్టుకువచ్చిన అత్యంత వేడి, తేలికపాటి శిలల సమూహం (హాట్ మాంటిల్ ప్లూమ్) కారణంగానే ఇక్కడ ద్రవ్యరాశి లోపం ఏర్పడి గురుత్వాకర్షణ శక్తి బలహీనపడిందని శాస్త్రవేత్తలు స్పష్టం చేశారు; 140 మిలియన్ ఏళ్ల నాటి భూగర్భ మార్పులను కంప్యూటర్ సిమ్యులేషన్ల ద్వారా పరిశీలించి సాధించిన ఈ ఆవిష్కరణ.. భూమి లోపల జరిగే ప్రక్రియలు సముద్ర ఉపరితల ఆకారాన్ని ఎలా మారుస్తాయో అర్థం చేసుకోవడానికి సరికొత్త మార్గాన్ని చూపిస్తోంది.