ఇరాన్‌కు మద్దతుగా యెమెన్ ఎంట్రీ! మూడ‌వ ప్ర‌పంచ యుద్ధం త‌ప్ప‌దా?

సనా/వాషింగ్టన్: పశ్చిమాసియాలో ఉద్రిక్తతలు పతాక స్థాయికి చేరాయి. ఇరాన్, లెబనాన్ (హిజ్బుల్లా), ఇరాక్ గ్రూపులతో కలిసి తాము కూడా అమెరికా, ఇజ్రాయెల్‌లపై అధికారికంగా యుద్ధంలోకి ప్రవేశిస్తున్నట్లు యెమెన్‌లోని హౌతీ రెబల్స్ ప్రకటించారు. శనివారం (మార్చి 28, 2026) హౌతీ ప్రతినిధి యాహ్యా సరీ ఈ మేరకు ఒక సంచలన ప్రకటన విడుదల చేశారు.

• మేము సిద్ధం: "మా వేళ్లు ట్రిగ్గర్‌పైనే ఉన్నాయి.. అమెరికా-ఇజ్రాయెల్ కూటమికి బుద్ధి చెప్పేందుకు మేము సిద్ధం" అని హౌతీలు ప్రకటించారు.
• రెడ్ సీ దిగ్బంధం: ప్రపంచ వాణిజ్యానికి కీలకమైన 'రెడ్ సీ' (ఎర్ర సముద్రం) మీదుగా అమెరికా, ఇజ్రాయెల్‌కు సంబంధించిన నౌకలను అంగుళం కూడా కదలనివ్వబోమని హెచ్చరించారు.
• యాక్సిస్ ఆఫ్ రెసిస్టెన్స్: ఇరాన్ నేతృత్వంలోని 'యాక్సిస్ ఆఫ్ రెసిస్టెన్స్' (ఇరాన్, లెబనాన్, ఇరాక్, యెమెన్) ఇప్పుడు ఏకతాటిపైకి రావడంతో ఈ యుద్ధం మరింత ప్రమాదకరంగా మారింది.
• ట్రంప్ హెచ్చరికలు: మరోవైపు అమెరికా అధ్యక్షుడు డొనాల్డ్ ట్రంప్.. ఇరాన్ తన పద్ధతి మార్చుకోకపోతే మరిన్ని కఠిన చర్యలు తప్పవని ఇప్పటికే హెచ్చరించారు.

ప్రపంచంపై ప్రభావం:

యెమెన్ అధికారికంగా యుద్ధంలోకి రావడంతో క్రూడ్ ఆయిల్ (ముడి చమురు) ధరలు భారీగా పెరిగే అవకాశం ఉంది. దీనివల్ల భారత్ వంటి దేశాల్లో పెట్రోల్, డీజిల్ ధరలపై ప్రభావం పడే ప్రమాదం ఉందని ఆర్థిక నిపుణులు హెచ్చరిస్తున్నారు.