కడిలబావి తండా కాంగ్రెస్ అధ్యక్షుడిగా క‌రంటోత్ సంతోష్ కుమార్

సంస్థాన్ నారాయణపురం, సెప్టెంబర్ 30, 2026 (హైదరాబాద్ న్యూస్‌టైమ్): యాదాద్రి భువనగిరి జిల్లా సంస్థాన్ నారాయణపురం మండల పరిధిలోని కడిలబావి తండా కాంగ్రెస్ గ్రామ శాఖ అధ్యక్షుడిగా కాట్రోత్ సంతోష్ కుమార్ ఏకగ్రీవంగా నియమితులయ్యారని సర్పంచ్ కాట్రోత్ సాగర్ తెలిపారు. నూతనంగా ఎన్నికైన సంతోష్ కుమార్‌ను మునుగోడు శాసనసభ్యులు కోమటిరెడ్డి రాజగోపాల్ రెడ్డి ఘనంగా సన్మానించి శుభాకాంక్షలు తెలిపారు. ఈ సందర్భంగా కాట్రోత్ సంతోష్ కుమార్ మాట్లాడుతూ.. తనపై నమ్మకంతో బాధ్యతలు అప్పగించిన పార్టీ పెద్దలకు కృతజ్ఞతలు తెలిపారు. పార్టీ అభివృద్ధికి తన వంతు పూర్తి కృషి చేస్తానని, మునుగోడు ఎమ్మెల్యే కోమటిరెడ్డి రాజగోపాల్ రెడ్డి సహకారంతో గ్రామంలో కాంగ్రెస్ పార్టీని మరింత పటిష్టం చేస్తానని స్పష్టం చేశారు. తన ఎన్నికకు సహకరించిన మాజీ రాచకొండ సర్పంచ్ కాట్రోత్ సాగర్, ప్రస్తుత సర్పంచ్ కాట్రోత్ లక్ష్మి మరియు తండా వాసులు, పలువురు కాంగ్రెస్ పార్టీ నాయకులకు ఆయన ప్రత్యేక కృతజ్ఞతలు తెలిపారు. ఈ కార్యక్రమంలో కాంగ్రెస్ పార్టీ కార్యకర్తలు, స్థానిక నాయకులు తదితరులు పెద్ద సంఖ్యలో పాల్గొన్నారు.