కుంట్లూరులో ఘనంగా బీరప్పస్వామి మరుబోణం.. వరంగల్ ఎయిర్‌పోర్టుకు దొడ్డి కొమురయ్య పేరుపెట్టాలని తీర్మానం

అబ్దుల్లాపూర్‌మెట్, సెప్టెంబర్ 27, 2026 (హైదరాబాద్ న్యూస్‌టైమ్): తెలంగాణ సాయుధ పోరాట యోధుడు దొడ్డి కొమురయ్య కురుమ పోరాటపటిమ చరిత్ర పుటల్లో సువర్ణాక్షరాలతో లిఖించబడి ఉందని, అందుకు తగ్గట్టుగానే వరంగల్‌లో నూతనంగా ఏర్పాటు చేయనున్న ఎయిర్‌పోర్ట్‌కు ఆయన పేరు పెట్టాలని కుంట్లూరు కురుమ సంఘం ఏకగ్రీవంగా తీర్మానం చేసింది. ఈ మేరకు కుంట్లూరు గ్రామంలోని శ్రీశ్రీశ్రీ కమరాతి బీరప్పస్వామి దేవాలయం వద్ద ఆదివారం మరుబోణం, స్వామివారి ప్రత్యేక పూజ కార్యక్రమాలను కురుమ సంఘం పెద్దల సమక్షంలో ఘనంగా నిర్వహించారు. ఈ సందర్భంగా భారీ సంఖ్యలో తరలివచ్చిన కురుమ బాంధవులు స్వామివారిని దర్శించుకుని ప్రత్యేక పూజలు చేశారు. అనంతరం నిర్వహించిన ప్రత్యేక సమావేశంలో కురుమ సంఘం పెద్దలు మాట్లాడుతూ.. తెలంగాణ ప్రజల బానిస సంకెళ్ల విముక్తికై పోరాటం చేసి ప్రాణాలర్పించిన తెలంగాణ సాయుధ పోరాట యోధుడు దొడ్డి కొమురయ్య సేవలను గుర్తించి వరంగల్ ఎయిర్‌పోర్ట్‌కు ఆయన పేరు పెట్టాలని ప్రభుత్వాన్ని విన్నవించారు. గతంలో సీఎం ఎనుముల రేవంత్ రెడ్డి, కాంగ్రెస్ ప్రభుత్వ పాలకులు ఇచ్చిన హామీని తక్షణమే అమలుపరచాలని వారు డిమాండ్ చేశారు. ఈ కార్యక్రమంలో కుంట్లూర్ గ్రామ కురుమ సంఘం పెద్దకురుమ దడిగ కొమురయ్య కురుమ, శేలోజీ కంకల సత్తయ్యకురుమ, అధ్యక్షులు నీళ్ల జంగయ్య కురుమ, ప్రధాన కార్యదర్శి పల్లె మల్లేశం కురుమ, కోశాధికారి కోడూరి అశోక్ కురుమ, ఉపాధ్యక్షులు రావుల నరసింహ కురుమ, అచ్చిన శీను కురుమ, గౌరవ సలహాదారు కప్పే రమేష్ కురుమ, అదే మల్లేష్ కురుమ, జమ్ము వీరభద్రం కురుమలతో పాటు కమిటీ సభ్యులు, కార్యదర్శులు, సహాయ కార్యదర్శులు మరియు కురుమ సంఘం పెద్దలు, యువకులు పెద్ద సంఖ్యలో పాల్గొన్నారు.