కేవీఆర్ అరెస్ట్ సమయంలో భార్యతో అసభ్య ప్రవర్తన: సీఐ శ్రీనివాస్పై బదిలీ వేటు!
విజయనగరం, జూలై 05, 2026 (హైదరాబాద్ న్యూస్టైమ్): తెలంగాణ జర్నలిస్టు కేవీఆర్ను అరెస్ట్ చేసే క్రమంలో ఆయన భార్యతో అనుచితంగా ప్రవర్తించారనే ఆరోపణలు ఎదుర్కొంటున్న బొబ్బిలి రూరల్ సీఐ శ్రీనివాస్పై ఉన్నతాధికారులు బదిలీ వేటు వేశారు. ఈ ఘటనపై కేవీఆర్ భార్య హైదరాబాద్లోని సరూర్నగర్ పోలీస్ స్టేషన్లో ఫిర్యాదు చేయగా, పోలీసులు సీఐపై కేసు నమోదు చేశారు. దీంతో స్పందించిన ఉన్నతాధికారులు సీఐ శ్రీనివాస్ను విశాఖపట్నం జిల్లా ఆరిలోవ పోలీస్ స్టేషన్కు బదిలీ చేస్తూ ఉత్తర్వులు జారీ చేశారు. నాలుగు రోజుల క్రితం కేవీఆర్ను హైదరాబాద్లో అదుపులోకి తీసుకుని బొబ్బిలికి తరలించే క్రమంలో సీఐ వ్యవహరించిన తీరు వివాదాస్పదంగా మారడంతో ఈ నిర్ణయం తీసుకున్నారు. ఇదే కేసులో గతంలో కేవీఆర్ను అరెస్ట్ చేయడంలో విఫలమయ్యారనే కారణంతో బాడంగి ఎస్ఐను కూడా వీఆర్కు పంపుతూ అధికారులు ఆదేశాలు జారీ చేశారు.