కోడలి 'సోషల్ మీడియా' పిచ్చి.. అత్తమామల బలి

• కురచ దుస్తులతో వీడియోలు
• వేధింపులే కారణమని ఆరోపణ
• పురుగుల మందు తాగి దంపతుల ఆత్మహత్య
• ప్రేమించి పెళ్లి చేసుకున్న కొడుకు మౌనం
• పానిపట్ జిల్లాలో కలకలం రేపిన ఘటన

హైదరాబాద్ న్యూస్ టైమ్, పానిపట్: హర్యానాలోని పానిపట్ జిల్లా నారా గ్రామంలో కోడలి వెస్ట్రన్ లైఫ్ స్టైల్, సోషల్ మీడియా వేధింపులు భరించలేక అత్తమామలు రాజేశ్ (46), సుమన్ (44) దంపతులు ఆత్మహత్యకు పాల్పడటం స్థానికంగా తీవ్ర సంచలనం సృష్టించింది. గత ఏడాది జనవరిలో తమ కుమారుడు ఆశిష్ ప్రేమించిన స్నేహ అనే యువతితో వివాహం జరిపించగా, పెళ్లయినప్పటి నుండి ఆమె సోషల్ మీడియాలో కురచ దుస్తులతో వీడియోలు తీస్తూ పోస్ట్ చేయడం, దీనిని గ్రామీణ సంప్రదాయాలకు విరుద్ధమని వారించిన అత్తమామలపై భౌతిక దాడికి దిగడం వంటి చర్యలు ఆ కుటుంబాన్ని తీవ్ర మానసిక వేదనకు గురిచేశాయి. భార్య తప్పులను ప్రశ్నించకుండా తమ కుమారుడు పిరికిపందలా మిగిలిపోవడంతో తీవ్రంగా కలత చెందిన ఆ దంపతులు, గత శనివారం విషం తాగి ఆత్మహత్యాయత్నం చేయగా, ఆసుపత్రిలో చికిత్స పొందుతూ మృతి చెందారు. రాజేశ్ సోదరుడి ఫిర్యాదు మేరకు కేసు నమోదు చేసిన పోలీసులు, కోడలి వేధింపులు మరియు ఆత్మహత్యకు గల అన్ని కోణాల్లో లోతైన దర్యాప్తు జరుపుతున్నారు.