గచ్చిబౌలి ఏఎంబీ ఫ్లైఓవర్పై ఘోర ప్రమాదం: రాంగ్ రూట్ డ్రైవింగ్ బలితీసుకున్న ఇద్దరు ప్రాణాలు!
హైదరాబాద్, జూన్ 26 (హైదరాబాద్ న్యూస్టైమ్): ఐటీ హబ్ గచ్చిబౌలిలోని ఏఎంబీ (AMB) మాల్ ఫ్లైఓవర్పై శనివారం తెల్లవారుజామున ఒక దారుణమైన రోడ్డు ప్రమాదం చోటుచేసుకుంది. ఫ్లైఓవర్పై నిబంధనలకు విరుద్ధంగా రాంగ్ రూట్లో అతివేగంగా వస్తున్న ఒక స్కూటీని, ఎదురుగా వస్తున్న బుల్లెట్ బైక్ బలంగా ఢీకొట్టింది. ఈ భీకర ప్రమాదంలో స్కూటీపై ప్రయాణిస్తున్న శ్రీకాంత్, విఠల్ అనే ఇద్దరు వ్యక్తులు తీవ్ర రక్తస్రావమై అక్కడికక్కడే ప్రాణాలు కోల్పోయారు. అలాగే, బుల్లెట్ బైక్పై ఉన్న వినోద్ అనే వ్యక్తికి తీవ్ర గాయాలు కావడంతో ఆసుపత్రికి తరలించారు, ప్రస్తుతం అతని పరిస్థితి విషమంగా ఉన్నట్లు సమాచారం. ఈ ఫ్లైఓవర్ పరిసర ప్రాంతాల్లో నిత్యం అనేక వాహనాలు యథేచ్ఛగా రాంగ్ రూట్లో ప్రయాణిస్తున్నా పోలీసులు పట్టించుకోవడం లేదని, ఇప్పటికైనా గట్టి నిఘా పెట్టి కఠిన చర్యలు తీసుకుంటే ఇలాంటి ప్రాణనష్టాలను అడ్డుకోవచ్చని స్థానికులు తీవ్ర ఆగ్రహం వ్యక్తం చేస్తున్నారు.