గల్ఫ్ దేశాల నుండి తిరిగి వచ్చి.. స్వదేశంలో పాడి పరిశ్రమతో కోట్లు గడిస్తున్న నేపాలీ యువత!

ఖాట్మండు: ఉపాధి కోసం గల్ఫ్ దేశాలకు వలస వెళ్లే ట్రెండ్‌కు భిన్నంగా, నేపాల్ యువత ఇప్పుడు 'రివర్స్ మైగ్రేషన్' బాట పడుతోంది. విదేశాల్లో ఏళ్ల తరబడి కష్టపడి సంపాదించిన సొమ్మును, అనుభవాన్ని ఇప్పుడు స్వదేశంలో వ్యవసాయం, ముఖ్యంగా పాడి పరిశ్రమ (Dairy Farming) పై పెట్టుబడిగా పెడుతున్నారు. నేపాల్ ప్రభుత్వం తీసుకొచ్చిన కొత్త విధానాలు వీరికి కొండంత అండగా నిలుస్తున్నాయి.

మలుపు తిప్పిన ప్రభుత్వ నిర్ణయం:

నేపాల్‌లోని స్థానిక ప్రభుత్వాలు ఇటీవల తీసుకున్న ఒక కీలక నిర్ణయం ఈ మార్పుకు ప్రధాన కారణం:

• నెలవారీ జీతంలా పాల డబ్బులు: గతంలో పాల సేకరణ కేంద్రాలకు పాలు పోస్తే డబ్బులు రావడానికి చాలా సమయం పట్టేది. కానీ, ఇప్పుడు మున్సిపల్ కౌన్సిల్స్ ద్వారా నేరుగా రైతుల బ్యాంక్ ఖాతాల్లోకే ప్రతి నెలా 'జీతం' లాగా నగదు జమ చేస్తున్నారు.
• వాల్యూ యాడెడ్ సేవలు: పశువులకు ఉచితంగా మందులు పంపిణీ చేయడం, వెటర్నరీ డాక్టర్లతో రెగ్యులర్ చెకప్‌లు చేయించడం వంటి సేవలను ప్రభుత్వం వేగవంతం చేసింది.

సక్సెస్ స్టోరీస్:

1. రామ్ మణి: ఏడు ఏళ్లు మిడిల్ ఈస్ట్‌లో కార్మికుడిగా పనిచేసి తిరిగి వచ్చిన రామ్ మణి, ఇప్పుడు 4 ఆవులతో డెయిరీ ఫామ్ నిర్వహిస్తున్నాడు. నెలకు దాదాపు లక్ష రూపాయల ఆదాయం పొందుతూ, అన్ని ఖర్చులు పోను రూ. 50,000 నికర లాభం గడిస్తున్నాడు. "విదేశాల్లో కంటే ఇక్కడే నా కుటుంబంతో కలిసి సంతోషంగా ఉన్నాను" అని ఆయన ఆనందం వ్యక్తం చేశాడు.
2. సాగర్ ఖనాల్: 12 ఏళ్లు గల్ఫ్ దేశాల్లో ఉండి వచ్చిన సాగర్, సుమారు రూ. 17 లక్షల పెట్టుబడితో 30 ఆవులతో పెద్ద ఫామ్ ఏర్పాటు చేశాడు. నెలకు రూ. 3.5 లక్షల టర్నోవర్ చేస్తూ, రూ. 1.5 లక్షల వరకు లాభం పొందుతున్నాడు.
3. 
   

నేపాల్ ఎకానమీకి బూస్ట్:

నేపాల్ జిడిపిలో వ్యవసాయం వాటా 24% వరకు ఉంది. విదేశాల నుండి వస్తున్న యువత ఆధునిక సాంకేతికతను (Cow Mats, Fans, Music systems in sheds) వాడుతూ పాల ఉత్పత్తిని పెంచుతున్నారు. దీనివల్ల దేశీయంగా పాల కొరత తీరడమే కాకుండా, గ్రామీణ ఆర్థిక వ్యవస్థ బలపడుతోంది.