చిల్లాపురం రామలింగేశ్వర స్వామి గుట్ట దేవస్థానం నూతన పాలకవర్గ ఎన్నిక

సంస్థాన్ నారాయణపురం, యాదాద్రి భువనగిరి, అక్టోబర్ 8, 2026 (హైదరాబాద్ న్యూస్‌టైమ్): యాదాద్రి భువనగిరి జిల్లా సంస్థాన్ నారాయణపురం మండల పరిధిలోని చిల్లాపురం శ్రీ రామలింగేశ్వర స్వామి గుట్ట దేవస్థానం నూతన పాలకవర్గ ఎన్నిక గురువారం గ్రామ ప్రజలు మరియు సభ్యుల సమక్షంలో అత్యంత ప్రశాంతంగా జరిగింది. ఆలయ అభివృద్ధి, భక్తులకు మెరుగైన వసతులు, సౌకర్యాల కల్పన ధ్యేయంగా నూతన కమిటీ ఏకగ్రీవంగా ఎన్నికైంది. ఈ ఎన్నికల్లో దేవస్థానం అధ్యక్షులుగా (చైర్మన్) మేకల వెంకటయ్య ఎన్నికయ్యారు. అలాగే ఉపాధ్యక్షులుగా కొప్పు సుధాకర్, రామావత్ రాజు; కార్యదర్శిగా లక్ష్మీనారాయణ; సహాయ కార్యదర్శిగా పరసగోని యాదగిరి; కోశాధికారిగా లింగంపల్లి అంజయ్య బాధ్యతలు స్వీకరించారు. వీరితో పాటు పాలకవర్గ సభ్యులుగా దుబ్బాక జంగయ్య, దుబ్బాక నరసింహ, కరంటోతు బిక్కు, లింగంపల్లి నగేష్, మేరుగు యాదగిరి, పెట్టుగాల యాదగిరి, మేకల లక్ష్మయ్య, లింగంపల్లి యాదయ్య, పెట్టుగాళ్ల నరేందర్, మేరుగు యాదయ్య, మేకల రవి, నవీన్ చారి, సుర శంకరయ్య, బండి అశోక్, కొప్పు సంజీవ, పరసగోని జంగయ్య, సత్తయ్య తదితరులు ఎన్నికయ్యారు. నూతనంగా ఎన్నికైన పాలకవర్గ సభ్యులను గ్రామ ప్రజలు, భక్తులు ఘనంగా అభినందించారు. స్వామివారి దేవస్థానాన్ని మరింత అభివృద్ది చేసేందుకు అందరూ ఐక్యంగా కృషి చేయాలని ఈ సందర్భంగా ఆకాంక్షించారు.