చౌటుప్పల్ మున్సిపాలిటీలో స్మార్ట్ రేషన్ కార్డుల పంపిణీ

చౌటుప్పల్, యాదాద్రి భువనగిరి, అక్టోబర్ 10, 2026 (హైదరాబాద్ న్యూస్‌టైమ్): చౌటుప్పల్ మున్సిపాలిటీ పరిధిలోని 5వ వార్డులో స్మార్ట్ రేషన్ కార్డుల పంపిణీ కార్యక్రమం అత్యంత ఘనంగా నిర్వహించారు. ఈ కార్యక్రమంలో చౌటుప్పల్ వ్యవసాయ మార్కెట్ కమిటీ చైర్మన్ ఉబ్బు వెంకటయ్య, 5వ వార్డు కౌన్సిలర్, బీఆర్ఎస్ మున్సిపల్ ఫ్లోర్ లీడర్ కొయ్య శేఖర్ గౌడ్, మరియు 4వ వార్డు కౌన్సిలర్ ఊదరి యాదయ్య ముఖ్య అతిథులుగా విచ్చేశారు. వారి చేతుల మీదుగా అర్హులైన లబ్ధిదారులకు నూతన స్మార్ట్ రేషన్ కార్డులను అందజేశారు. ఈ సందర్భంగా వారు మాట్లాడుతూ.. ప్రభుత్వ సంక్షేమ ఫలాలు అర్హులైన ప్రతి ఒక్క పేద కుటుంబానికి అందాలనే ఉద్దేశంతోనే ప్రభుత్వం డిజిటల్ స్మార్ట్ రేషన్ కార్డులను పంపిణీ చేస్తుందని తెలిపారు. ప్రజలు ఈ సేవలను సద్వినియోగం చేసుకోవాలని కోరారు. ఈ కార్యక్రమంలో రావుల స్వామి, పందుల రాజేష్, బొడ్డు ముత్యం, ఎం.డి. అస్లం ఖాన్, శ్రీకాంత్, రేషన్ డీలర్ అరుణతో పాటు స్థానిక మహిళలు, పెద్ద సంఖ్యలో కాలనీవాసులు, బీఆర్ఎస్ పార్టీ నాయకులు, కార్యకర్తలు పాల్గొన్నారు.