న్యూఢిల్లీ, ఆగస్ట్ 24, 2026 (హైదరాబాద్ న్యూస్‌టైమ్): మనుషుల మాదిరిగానే జంతువులు కూడా తమ తోటి వాటిని ప్రత్యేకమైన పేర్లతో పిలుచుకుంటాయా? అంటే శాస్త్రవేత్తల నుంచి అవుననే సమాధానం వస్తోంది. డాల్ఫిన్లు, ఏనుగులు, చిలుకలు మరియు ప్రైమేట్ (కోతి జాతి) జీవులపై నిర్వహించిన ఇటీవలి పరిశోధనలు ఈ నిజాన్ని వెల్లడిస్తున్నాయి. ఇవి ఒకదానినొకటి ప్రత్యేకమైన శబ్దాలు లేదా అరుపుల ద్వారా సంబోధించుకుంటాయని శాస్త్రవేత్తలు గుర్తించారు.
బాటిల్‌నోస్ డాల్ఫిన్లు తమ గుంపులోని ఇతర జీవుల కోసం ప్రత్యేకమైన సిగ్నేచర్ విజిిల్స్‌ను (ఈలలను) ఉపయోగిస్తాయని తాజా అధ్యయనాలు సూచిస్తున్నాయి. అయితే జంతువుల ప్రవర్తనను, వాటి భావవ్యక్తీకరణను ఏ విధంగా నిర్వచించాలనేదానిపై శాస్త్రవేత్తల మధ్య ఇంకా భిన్నాభిప్రాయాలు ఉన్నాయి. అయినప్పటికీ, జంతువుల ప్రపంచంలోనూ పేర్లు లేదా ప్రత్యేక గుర్తింపు సంకేతాలు ఉంటాయనే వాదనకు ఈ పరిశోధనలు బలమైన సాక్ష్యాలను అందిస్తున్నాయి.