పారిస్‌ను వణికిస్తున్న వేడిగాలులు.. ముందుస్తుగానే ఈఫిల్ టవర్ మూసివేత!

పారిస్, జూన్ 23 (హైదరాబాద్ న్యూస్‌టైమ్): ఫ్రాన్స్ రాజధాని పారిస్‌ను తీవ్రమైన వేడిగాలులు (Severe Heatwave) అతలాకుతలం చేస్తున్నాయి. ఎండ తీవ్రత దృష్ట్యా ప్రఖ్యాత పర్యాటక కేంద్రమైన 'ఈఫిల్ టవర్'ను మంగళవారం ముందుస్తుగానే మూసివేస్తున్నట్లు ఆ టవర్ నిర్వాహకులు ప్రకటించారు. రికార్డు స్థాయి ఉష్ణోగ్రతలు నమోదవుతుండటంతో పర్యాటకుల భద్రతను దృష్టిలో ఉంచుకుని ఈ నిర్ణయం తీసుకున్నట్లు వారు పేర్కొన్నారు. రోజువారీ పర్యటనలు, పర్యాటకుల రాకపోకలతో కళకళలాడే ఈఫిల్ టవర్, వేడిగాలుల తీవ్రత కారణంగా ఇలా మూసివేయడం పట్ల పర్యాటకులు ఆందోళన వ్యక్తం చేస్తున్నారు. మరోవైపు, ఫ్రాన్స్‌లోని ఇతర ప్రాంతాల్లోనూ ఉష్ణోగ్రతలు ప్రమాదకర స్థాయికి చేరుకోవడంతో ప్రభుత్వం ప్రజలను అప్రమత్తం చేస్తూ కీలక సూచనలు జారీ చేసింది.