పెళ్లి అంటే కేవలం రిజిస్ట్రేషన్ కాదు..

హైదరాబాద్, జూలై 02, 2026 (హైదరాబాద్ న్యూస్‌టైమ్): వివాహ బంధం కేవలం అధికారిక రిజిస్ట్రేషన్‌తోనే పూర్తవ్వదని, హిందూ వివాహ చట్టం ప్రకారం సంప్రదాయ ఆచారాలు పాటించడం తప్పనిసరి అని గుజరాత్ హైకోర్టు ఒక కీలక తీర్పును వెలువరించింది. రిజిస్ట్రేషన్ మాత్రమే చేసుకుని, మూడు ముళ్లు, సప్తపది వంటి మతపరమైన ఆచారాలను పాటించని వివాహాలను చట్టబద్ధమైనవిగా పరిగణించలేమని కోర్టు స్పష్టం చేసింది. వివాహానికి అవసరమైన పవిత్ర సంస్కారాన్ని, సామాజిక మరియు చట్టపరమైన హోదాను ఈ ఆచారాలే కల్పిస్తాయని ధర్మాసనం పేర్కొంది. హిందూ వివాహానికి 'సప్తపది' మరియు 'పాణిగ్రహణం' వంటి కర్మలు మూలస్తంభాలని, వీటిని విస్మరిస్తే ఆ బంధం చెల్లదని కోర్టు తేల్చిచెప్పింది.