పోలీసులు సీఎం ప్రైవేట్ ఆర్మీలా మారారు: కేటీఆర్

హైదరాబాద్ న్యూస్, మే 4 (హైదరాబాద్ న్యూస్‌టైమ్): ముఖ్యమంత్రి రేవంత్ రెడ్డి తీరుపై బీఆర్ఎస్ వర్కింగ్ ప్రెసిడెంట్ కేటీఆర్ తీవ్రస్థాయిలో మండిపడ్డారు. బెంగళూరు నుండి హ్యాకర్లను రప్పించి తమ ఫోన్లు, సీసీ కెమెరాలను హ్యాక్ చేస్తున్నారని ఆయన సంచలన ఆరోపణలు చేశారు. రాష్ట్రంలో పోలీసులు ప్రజల కోసం కాకుండా ముఖ్యమంత్రి 'ప్రైవేట్ ఆర్మీ' లాగా పనిచేస్తున్నారని విమర్శించారు. "రేవంత్ రెడ్డి.. ఇలాంటి పనులకు నువ్వు భవిష్యత్తులో భారీ మూల్యం చెల్లించుకుంటావు. కక్షసాధింపులు పక్కన పెట్టి పాలనపై దృష్టి పెట్టు" అని కేటీఆర్ హితవు పలికారు.