"బయట ఏం జరుగుతుందో నేను పట్టించుకోను": ఇషాన్ కిషన్ కీలక వ్యాఖ్యలు

న్యూఢిల్లీ, జూలై 26, 2026 (హైదరాబాద్ న్యూస్‌టైమ్): జింబాబ్వేతో జరిగిన మ్యాచ్‌లో అద్భుతమైన అర్ధశతకంతో జట్టు విజయంలో కీలక పాత్ర పోషించిన భారత క్రికెటర్ ఇషాన్ కిషన్ మ్యాచ్ అనంతరం ఆసక్తికర వ్యాఖ్యలు చేశాడు. తాను ప్రస్తుత క్షణంపైనే (Staying in present) పూర్తిగా దృష్టి పెడతానని, జట్టుకు విజయం అందించడమే తన ప్రధాన లక్ష్యమని స్పష్టం చేశాడు.

మైదానం వెలుపల తనపై వస్తున్న విమర్శలు గానీ, ఇతర విషయాలను గానీ తాను అస్సలు పట్టించుకోనని ఇషాన్ కిషన్ తేల్చిచెప్పాడు. జింబాబ్వేతో జరిగిన మ్యాచ్‌లో అరివీర భీకర బ్యాటింగ్‌తో చెలరేగిన అతను 81 పరుగుల మ్యాచ్ విన్నింగ్ నాక్ ఆడి జట్టును విజయతీరాలకు చేర్చాడు. ఈ నేపథ్యంలో తన మానసిక స్థితి, బ్యాటింగ్ అప్రోచ్ గురించి మాట్లాడుతూ.. భవిష్యత్తు గురించి ఆలోచించి అనవసరమైన ఒత్తిడి తెచ్చుకోకుండా, ప్రెజెంట్ మీద ఫోకస్ పెడితే ఫలితాలు అవే వస్తాయని ఆయన పేర్కొన్నారు.