బేస్తవారిపేట కోల్డ్ స్టోరేజ్ సమీపంలో బొలెరో బోల్తా..

హైదరాబాద్ న్యూస్‌టైమ్, హైదరాబాద్, జూన్ 10, 2026: మార్కాపురం జిల్లా బేస్తవారిపేటలోని కోల్డ్ స్టోరేజ్ సమీపంలో బుధవారం ఉదయం ఒక రోడ్డు ప్రమాదం చోటుచేసుకుంది. అమరావతి – అనంతపురం జాతీయ రహదారిపై వేగంగా వెళ్తున్న ఒక బొలెరో వాహనం అకస్మాత్తుగా అదుపుతప్పి రోడ్డుపై బోల్తాపడింది. ప్రమాదం జరిగిన వెంటనే స్థానికులు పెద్ద సంఖ్యలో అక్కడికి చేరుకుని, వాహనంలో చిక్కుకున్న వారిని బయటకు తీస్తూ వేగంగా సహాయక చర్యలు చేపట్టారు. సమాచారం అందుకున్న వెంటనే బేస్తవారిపేట పోలీసులు ఘటనా స్థలానికి చేరుకుని సహాయక చర్యలను పర్యవేక్షించడంతో పాటు, ప్రమాదం జరగడానికి గల కారణాలపై ఆరా తీస్తున్నారు. ఈ ఘటనపై పోలీసులు కేసు నమోదు చేసుకుని దర్యాప్తు ప్రారంభించినట్లు సమాచారం.