భారత్‌లో తొలి డెంగ్యూ వ్యాక్సిన్‌కు ఆమోదం: క్యూడెంగాకు గ్రీన్ సిగ్నల్ ఇచ్చిన డీసీజీఐ

న్యూఢిల్లీ, జూలై 21, 2026, హైదరాబాద్ న్యూస్ టైమ్: భారతదేశంలో తొలిసారిగా డెంగ్యూ వ్యాక్సిన్‌కు అధికారిక ఆమోదం లభించింది. టెకేడా బైయోఫార్మాస్యూటికల్స్ ఇండియాకు చెందిన 'క్యూడెంగా' (QDENGA) వ్యాక్సిన్‌కు డ్రగ్ కంట్రోలర్ జనరల్ ఆఫ్ ఇండియా (DCGI) మార్కెట్ అనుమతి మంజూరు చేసింది.

వ్యాక్సిన్‌కు సంబంధించిన ముఖ్యాంశాలు:

• వయస్సు అర్హత: 4 నుండి 60 సంవత్సరాల మధ్య వయస్సు గల వ్యక్తులు ఈ వ్యాక్సిన్‌ను తీసుకోవడానికి అర్హులు.
• పరీక్షలు అవసరం లేదు: గతంలో ఒకసారి డెంగ్యూ బారిన పడ్డారా లేదా అనేదంతో సంబంధం లేకుండా ఎవరైనా ఈ వ్యాక్సిన్ వేయించుకోవచ్చు. దీనికోసం ముందస్తుగా ఎలాంటి స్క్రీనింగ్ లేదా రక్తం పరీక్షలు చేయించుకోవాల్సిన అవసరం లేదు.
• డొసేజ్ వివరాలు: ఈ వ్యాక్సిన్‌ను 0.5 మి.లీ మోతాదు చొప్పున మూడు నెలల వ్యవధిలో రెండు సబ్ క్యూటేనియస్ (చర్మం కిందకి ఇచ్చే) ఇంజెక్షన్లుగా ఇస్తారు.
• క్లినికల్ ట్రయల్స్: ప్రపంచవ్యాప్తంగా డెంగ్యూ ఎండమిక్, నాన్-ఎండమిక్ దేశాలలో 28,000 మందికి పైగా పాల్గొన్న 19 క్లినికల్ ట్రయల్స్ ఆధారంగా మరియు భారతదేశంలో నిర్వహించిన ఫేజ్-3 DEN-302 ట్రయల్ డేటాను పరిశీలించిన తర్వాత డీసీజీఐ ఈ ఆమోదం తెలిపింది. ఏడు సంవత్సరాలకు పైగా సేకరించిన ఫాలో-అప్ డేటా ప్రకారం, డెంగ్యూలోని నాలుగు వైరస్ సెరోటైప్‌ల నుంచి ఇది రక్షణ కల్పిస్తుందని కంపెనీ వెల్లడించింది.

ప్రపంచవ్యాప్తంగా ఇప్పటికే 43 దేశాల్లో ఆమోదం పొందిన ఈ వ్యాక్సిన్, భారత్‌లో డెంగ్యూ నివారణ చర్యలను మరింత బలపడటంలో కీలక మైలురాయిగా నిలవనుంది.