రాహుల్ గాంధీ, ప్రియాంక గాంధీ అక్రమ అరెస్టును నిరసిస్తూ చౌటుప్పల్‌లో కాంగ్రెస్ భారీ ధర్నా!

చౌటుప్పల్, యాదాద్రి భువనగిరి, అక్టోబర్ 8, 2026 (హైదరాబాద్ న్యూస్‌టైమ్): పార్లమెంటులో ప్రధాన ప్రతిపక్ష నేత రాహుల్ గాంధీ, ప్రియాంక గాంధీ మరియు ఇండియా కూటమి నేతల అక్రమ అరెస్టులను తీవ్రంగా ఖండిస్తూ యాదాద్రి భువనగిరి జిల్లా చౌటుప్పల్‌లో కాంగ్రెస్ పార్టీ ఆధ్వర్యంలో భారీ నిరసన కార్యక్రమం, ధర్నా నిర్వహించారు. కాంగ్రెస్ బ్లాక్ అధ్యక్షులు ఆకుల ఇంద్రసేనారెడ్డి, మండల అధ్యక్షులు బోయే దేవేందర్, మున్సిపాలిటీ అధ్యక్షులు కాసర్ల శ్రీనివాసరెడ్డి నేతృత్వంలో ఈ నిరసన చేపట్టారు. ఓటు చోరీకి పాల్పడుతున్నారంటూ కేంద్ర ప్రభుత్వం మరియు కేంద్ర ఎన్నికల సంఘం (సీఈసీ) వ్యవహారశైలిపై ఆరోపణలు చేస్తూ ఢిల్లీలో ఇండియా కూటమి నేతలు చేపడుతున్న ఆందోళనలకు మద్దతుగా చౌటుప్పల్‌లో ఈ కార్యక్రమం నిర్వహించారు. ఈ నిరసన కార్యక్రమంలో కాంగ్రెస్ పార్టీ నాయకులు, కార్యకర్తలు పెద్ద సంఖ్యలో పాల్గొని కేంద్ర ప్రభుత్వ ప్రజా వ్యతిరేక విధానాలు, నాయకుల అరెస్టులు, లాఠీచార్జీలకు వ్యతిరేకంగా పెద్దపెట్టున నినాదాలు చేశారు. ఈ కార్యక్రమంలో పీఏసీఎస్ చైర్మన్ మస్తాన్ బాబు యాదవ్, పీఏసీఎస్ వైస్ చైర్మన్ శివారెడ్డి, జిల్లా కార్యదర్శి చింతల సాయిలు, మాజీ అధ్యక్షులు బక్క శ్రీనాథ్, సుర్వి నరసింహ గౌడ్, రిక్కల మహేందర్ రెడ్డి, పాక చిరంజీవి, బద్రి గాలయ్య, పస్తం గంగరాములు, మీసాల నరసింహ, పిన్నింటి శ్రీనివాస్ రెడ్డి, గడ్డం సత్తయ్య, బొబ్బిలి రాజేందర్, దుబ్బాక ఆకాష్ రెడ్డి, బండమీది ఎల్లయ్య, కొరవని లింగస్వామి, వీరముల సత్తయ్య, బుడిగే బాలకృష్ణతో పాటు పలువురు కాంగ్రెస్ పార్టీ ముఖ్య నాయకులు, కార్యకర్తలు, అభిమానులు పాల్గొన్నారు.