వారణాసిలో రాహుల్ గాంధీ పుట్టినరోజు వేడుకలు.. గంగానదిలో చిత్రపటానికి క్షీరాభిషేకం!

వారణాసి, జూన్ 19 (హైదరాబాద్ న్యూస్‌టైమ్): లోక్‌సభ ప్రతిపక్ష నేత, కాంగ్రెస్ అగ్రనేత రాహుల్ గాంధీ జన్మదినాన్ని పురస్కరించుకుని ఉత్తరప్రదేశ్‌లోని వారణాసిలో యూత్ కాంగ్రెస్ నాయకులు, కార్యకర్తలు వినూత్నంగా వేడుకలు నిర్వహించారు. రాహుల్ గాంధీ మళ్లీ ప్రధాని కావాలని, ఆయన నిండు నూరేళ్లు ఆయురారోగ్యాలతో వర్ధిల్లాలని ఆకాంక్షిస్తూ పవిత్ర గంగానది ఒడ్డున ప్రత్యేక సాంప్రదాయ పూజా కార్యక్రమాలను చేపట్టారు. ఈ సందర్భంగా యూత్ కాంగ్రెస్ శ్రేణులు గంగానది తీరాన రాహుల్ గాంధీ భారీ చిత్రపటానికి పాలతో క్షీరాభిషేకం చేస్తూ, సంప్రదాయ పద్ధతుల్లో మంగళహారతులు పట్టి ఘనంగా శుభాకాంక్షలు తెలియజేశారు.