యాదాద్రి భువనగిరి, అక్టోబర్ 2, 2026 (హైదరాబాద్ న్యూస్‌టైమ్): యాదాద్రి భువనగిరి జిల్లా సంస్థాన్ నారాయణపురం మండల కేంద్రంలో జాతిపిత మహాత్మా గాంధీజీ జయంతి వేడుకలను కాంగ్రెస్ పార్టీ ఆధ్వర్యంలో అత్యంత ఘనంగా నిర్వహించారు. కాంగ్రెస్ పార్టీ మండల అధ్యక్షుడు కరంటోతు శ్రీను నాయక్ అధ్యక్షతన ఈ వేడుకలు ఉత్సాహంగా సాగాయి. ఈ సందర్భంగా మహాత్మా గాంధీ చిత్రపటానికి నాయకులు పూలమాలలు వేసి ఘనంగా నివాళులర్పించారు.
ఈ నేపథ్యంలో నాయకులు మాట్లాడుతూ.. దేశ స్వాతంత్ర్య ఉద్యమంలో గాంధీజీ అందించిన సేవలను స్మరించుకున్నారు. ఆయన చూపిన సత్యం, అహింస మార్గాలను నేటి తరంతో పాటు ప్రతి ఒక్కరూ జీవితంలో ఆదర్శంగా తీసుకోవాలని పిలుపునిచ్చారు. దేశ ఐక్యతకు, శాంతికి గాంధీజీ ఆశయాలే శ్రీరామరక్ష అని కొనియాడారు. ఈ కార్యక్రమంలో కాంగ్రెస్ పార్టీ జిల్లా మరియు మండల స్థాయి నాయకులు, వివిధ గ్రామాల ప్రజాప్రతినిధులు, పార్టీ కార్యకర్తలు, అభిమానులు పెద్ద సంఖ్యలో పాల్గొని గాంధీజీకి నివాళులర్పించారు.