సీజనల్ వ్యాధుల పట్ల ప్రజలు అప్రమత్తంగా ఉండాలి - మండల వైద్యాధికారి డాక్టర్ రవీన

హైదరాబాద్ న్యూస్‌టైమ్ (యాదాద్రి భువనగిరి జిల్లా): వర్షాకాలంలో సీజనల్ వ్యాధుల బారిన పడకుండా ప్రజలు తగు జాగ్రత్తలు పాటించాలని సంస్థాన్ నారాయణపురం మండల ప్రభుత్వ ఆసుపత్రి వైద్యాధికారి డాక్టర్ రవీన ఒక ప్రకటనలో కోరారు.

ఈ సందర్భంగా ఆమె మాట్లాడుతూ, వర్షాకాలంలో ప్రధానంగా మలేరియా, డెంగ్యూ, విష జ్వరాలు మరియు అంటువ్యాధులు ప్రబలే అవకాశం ఉందని హెచ్చరించారు. ప్రజలందరూ ఈ క్రింది నివారణ చర్యలను పాటించాలని విజ్ఞప్తి చేశారు:

• పరిసరాల శుభ్రత: ఇళ్ల చుట్టూ వర్షపు నీరు లేదా ఎందులోనూ నీరు నిల్వ ఉండకుండా చూసుకోవాలి. దోమలు వృద్ధి చెందకుండా తగిన జాగ్రత్తలు తీసుకోవాలి.
• సురక్షిత ఆహారం & నీరు: ఎల్లప్పుడూ బాగా మరిగించి చల్లార్చిన మంచినీటిని మాత్రమే త్రాగాలి. ఎప్పుడూ తాజాగా ఉన్న ఆహార పదార్థాలనే తీసుకోవాలి.
• వ్యక్తిగత పరిశుభ్రత: ఎల్లప్పుడూ పరిసరాలను, వ్యక్తిగత పరిశుభ్రతను విధిగా పాటించాలి.
• వైద్య సలహా: ఒకవేళ జ్వరం, దగ్గు, విరోచనాలు లేదా మరే ఇతర అనారోగ్య లక్షణాలు కనిపించినా నిర్లక్ష్యం చేయకుండా వెంటనే ప్రభుత్వ ఆసుపత్రికి వెళ్లాలి. డాక్టర్‌ను సంప్రదించి తగిన పరీక్షలు చేయించుకుని, వైద్యుల సూచన మేరకు మందులు వాడాలని ప్రజలకు సూచించారు.